Më 23 shtator, në Hotel Plaza, u zhvillua eventi zyrtar i Odoo, ku u mblodhën profesionistë, sipërmarrës dhe kompani të ndryshme për të zbuluar fuqinë e një prej platformave më të avancuara të menaxhimit të biznesit.

Ne në Prisma, si Odoo Silver Partner, patëm kënaqësinë të jemi sponsorë dhe pjesë aktive e këtij eventi, duke ndarë eksperiencën tonë me bizneset shqiptare që kanë zgjedhur të modernizojnë proceset e tyre me Odoo.

Një moment i veçantë i mbrëmjes ishte prezantimi i klientit tonë ABA & Partners, i cili ndau përvojën e tij të suksesshme me Odoo dhe shprehu mirënjohjen për bashkëpunimin me Prisma. Ky testimonial ishte dëshmi e vlerës që sjell partneriteti ynë me klientët: zgjidhje praktike, rezultate konkrete dhe një mbështetje e vazhdueshme në çdo hap të transformimit digjital.

Eventi solli jo vetëm njohuri mbi funksionalitetet dhe risitë e Odoo, por edhe mundësi për të shkëmbyer ide dhe për të krijuar lidhje të reja mes profesionistëve të fushave të ndryshme. Atmosfera ishte e mbushur me energji pozitive dhe vizione për të ardhmen.

Për ne, ky event ishte një tjetër konfirmim se bizneset shqiptare janë të gatshme për të përqafuar inovacionin dhe për të rritur konkurrueshmërinë e tyre me ndihmën e teknologjisë.

Faleminderit të gjithëve që ishin pjesë e kësaj mbrëmjeje. Për ata që nuk patën mundësi të marrin pjesë, ekipi i Prismës është gjithmonë i gatshëm të ndajë nga afër potencialin e Odoo dhe të tregojë pse bashkëpunimi me një partner të besueshëm bën diferencën.

Nëse dëshironi të zbuloni më shumë mbi eksperiencat tona dhe të shihni si Odoo mund të përshtatet me biznesin tuaj, na kontaktoni.